Едно ново истражување тврди дека можете да одредите нечија сексуална ориентација гледајќи ги дланките на личноста. Како и читањето од дланка, и ова истражување треба да се прифати со доза скептицизам.
Истражување тврди дека сексуалната ориентација зависи од формата на дланките
Според истражувањето, кај жените кои имаат различна должина на показалецот и домалиот прст од левата рака, помала е веројатноста да бидат стрејт. Претходни истражувања тврделе дека разликата во должината на овие прсти е поврзана со изложеноста на тестостерон. Најчесто, мажите имаат подолг домал прст за разлика од показалецот. Кај жените обично и двата прста се со иста должина. Во истражувањето тимот сакал да избегне збунувачки факти, па биле користени идентични близнаци.
Истражувачите набљудувале 18 пара идентични женски близнаци и 14 пара идентични машки близнаци. Сите имале различна сексуална ориентација.
Женските близнаци кои не биле стрејт, имале „помажествени“ дланки за разлика од нивните близнаци хетеросексуалци. Но дури и со овој резултат тешко дека ќе одредите нечија сексуална ориентација според неговата дланка.
Пред сè, бројот на испитаници е мал, па не може да се даде претпоставка за целото население. Должината на прстите, како ориентацијата и полот, е спектар. Должината на прстите е поврзана и со атлетска моќ и интелигенција.
Покрај тоа, важно е да се знае дека врската помеѓу должината на прстите и тестостеронот е далеку од потврдена. Оваа идеја е проширена, но допрва треба да се докаже. Истражување од пред шест години не успеало во ова.
Сексуалната ориентација на луѓето е комплексна и понекогаш флуидна, па поврзувањето со само едно нешто, како тестостеронот, ни го ограничува разбирањето за неа. Покрај тоа, очекувањето хомосексуалните мажи да имаат поженствени дланки е навлегување во стереотипи кои би требало досега да ни се надминати.
Истражувачите изјавиле дека спротивно на нивното очекување, машките хомосексуалци имале помажествени дланки за разлика од нивните стрејт близнаци. Сепак, оваа разлика не била значајна.
