Денес, кога на територијата на Пехчевскиот регион е дијагностициран првиот инфициран пациент со корoна вирусот, чувствувам потреба како Градоначалник на општина Пехчево, но пред се како ваш сограѓанин, да Ве повикам на смирено и разумно однесување.

Во овие вонредни околности и во услови на светска пандемија мораме да ја прифатиме реалноста дека вирусот побрзо или побавно ќе дојде и на територијата на општина Пехчево. Но, оваа реалност, наместо паника и ширење дезинформации, од сите нас бара да покажеме висок степен на сериозно и одговорно однесување, целосно почитување на мерките и препораките на институциите и грижа за сопственото здравје и здравјето на вашите најблиски.

Путин: Достоинствено ќе минеме низ предизвиците што ни се испратени

Апелирам да се почитува личноста и угледот на секој поединец независно дали е инфициран, тестиран, во самоизолација или во хотелски карантин.

Идентитетот на инфицираното лице воопшто не е важен. Отфрлањето од заедницата на лицата кои се тестирале е неетичко. Наместо тоа, да покажеме солидарност и искрени желби за брзо опоравување на сите инфицирани со корона вирусот.

Почитувани сограѓани,

Во овие вонредни околности потребно е да бидеме внимателни и да го извлечеме најдоброто од нас. Ве повикувам да ги почитуваме препораките на институциите и општинскиот кризен штаб, да дадеме целосна поддршка на здравствените работници, лекари, медицински сестри, болничари, но и на сите други вработени во комуналните служби кои во овие вонредни околности даваат надчовечки напори за спречување на ширењето на вирусот.

Градоначалникот не го откри идентитетот на заразениот, во обид да се спречи стигматизација.

ВЕЛИГДЕН: „Карантински хор“ го изведе Вјерују на Чајковски