Светската ракометна федерација (ИХФ) ги објави износите што им следуваат на играчите кои настапија на Светското првенство во Шпанија, и на нивните клубови. Надоместокот се однесува на сите денови поминати на СП, а не сме на деновите во кои настапија.

Според ова по 200 швајцарски франци ќе добијат македонските репрезентативци, бидејќи изборија пласман од 9-16 место. Истата сума ќе ја добијат и играчите кои настапија за Полска, Србија, Тунис, исланд, Бразил, Белорусија и Египет. Македонските ракометари на Мундијалот минаа девет дена, од 12 до 20.јануари. Дневница од 400 швајцарски франци ќе добијат ракометарите чии репрезентации стигнаа до самата завршница (Шпанија, Данска, Хрватска и Словенија). По 300 швајцарски франци дневница ќе добијат играчите чии репрезентации се пласираа од 5. до 8. место (Германија, Франција, Русија и Унгарија).100 франци дневница ќе инкасираат ракометарите чии репрезентации се пласираа од 17. до 20. место (Алжир, Аргентина, С.Арабија и Катар).75 франци ќе добијат играчите чии репрезентации се пласираа од 21. до 24. место (Ј.Кореја, Црна Гора, Чиле и Австралија).Надомест ќе добијат и клубовите чии ракометари учествуваа на СП, без разлика дали се дел од националната селекција или се дел од некоја друга репрезентација. И тука износите варираат во зависност од пласманот на селекциите:30.000 франци, поделени според бројот на ангажираните ракометари, ќе добијат клубовите чии ракометари настапија во селекции пласирани од 1. до 4. место (Шпанија, Данска, Хрватска и Словенија).20.000 франци, поделени според бројот на ангажираните ракометари, ќе добијат клубовите чии ракометари настапија во селекции пласирани од 5. до 8. Место (Германија, Франција, Русија и Унгарија).12.000 франци, поделени според бројот на ангажираните ракометари, ќе добијат клубовите чии ракометари настапија во селекции пласирани од 9. до 16. место (Полска, Србија, Тунис, Исланд, Бразил, Македонија, Белорусија и Египет).4.000 франци, поделени според бројот на ангажираните ракометари, ќе добијат клубовите чии ракометари настапија во селекции пласирани од 17. до 24. место (Алжир, Аргентина, С.Арабија, Катар, Ј.Кореја, Црна Гора, Чиле и Австралија).Клубовите ќе ги добијат износите кои одговараат на учеството на секој нивен ракометар, па Металург ќе добие компензација за своите македонските репрезентативци (дел од 12.000 франци), но и за Станиќ (дел од 12.000 франци) и за Ракчевиќ (дел од 4.000 франци).Доколку клубовите се согласат на ваква распределба, перичните средства ќе им бидат исплаќани преку националните федерации. За првпат, и сите патни трошоци на репрезентациите ќе бидат на товар на ИХФ.
Макфакс
Светската ракометна федерација (ИХФ) ги објави износите што им следуваат на играчите кои наста