Луѓето се социјални суштества и речиси никој не го сака чувството на осаменост. Но понекогаш самотијата е токму она што ви е потребно за да се релаксирате и да се одморите. Кога ќе забележите дека имате сè помалку време за себе, обидете се да го промените тоа најбрзо што можете. Следниве совети ќе ви помогнат.
Како да пронајдете повеќе време за себе?
1. Кажете не
Не можете да присуствувате секаде и да им угодите на сите. Тоа што не можете да ги одбиете другите може да е една од причините за вашиот стрес. Добро е да сакате да помогнете, но едноставно не можете секогаш да го правите тоа. Почнете повеќе да мислите на себе и одредете ги вашите приоритети.
2. Испланирајте го времето
Спонтаноста е добра, но во денешно време е речиси невозможна. Работните денови се секогаш исполнети со многу обврски. Па, затоа најдобро е однапред да си го планирате времето. На овој начин ќе најдете време за себе и нема да го трошите на неважни работи.
3. Најдете личен простор
На секој од нас му е потребно место кое може да го нарече само негово. Тоа може да биде цела соба или само мал ќош во вашиот дом. Без разлика за колкав простор станува збор, тој треба да биде среден по ваш вкус за да можете целосно да се опуштите. Објаснете им на домашните која е важноста на вашиот простор и замолете ги да не ве вознемируваат кога сте таму.
4. Вежбајте
Физичката активност е одлична за здравјето, изгледот, но и за да се опуштите. Вежбањето навистина го намалува стресот и ви помага да се релаксирате. Доколку сте преплавени со негативна енергија, одете на аеробик или на некоја боречка вештина. Доколку сакате да се опуштите, можете да одберете јога или пилатес.
5. Исклучете се
Одредете дел од денот во кој ќе се оттргнете од работата и телефонот. На почетокот одвојувајте само по 15-тина минути, а потоа прилагодувајте го времето со обврските.
