Познато е дека редовното проветрување на просториите во кои престојуваме е многу важно за да се заштитиме од вируси, да го прочистиме застарениот воздух и да создадеме здрава клима во просторијата, на крајот да спречиме појава на мувла. Но, кога температурата надвор ќе падне под нулата, многумина ќе го игнорираат овој совет.
Како правилно да се проветруваат просториите кога надвор е екстремно студено е полесно со примена на правилото 5х5 или 3х5, пренесува германскиот магазин Фокус.
Се препорачува следново правило за проветрување на просториите:
– Под 0 степени: Ако надворешната температура е под 0 Целзиусови степени, прозорците треба да се отвораат само 5 минути.
– Од 0 до 10 степени: Во овој температурен опсег доволно е околу 10 минути вентилација.
– Повеќе од 10 степени: Најдобро е да ги оставите прозорците отворени околу 15 минути.
Се препорачува да се проветруваат просториите пет пати на ден, исто толку често, односно дури и на температури под нулата. Меѓутоа, ако ви е премногу ладно, доволни се три до пет минути со отворен прозорец пет пати на ден.
Во пролет или есен оставете ги прозорците отворени 15 до 20 минути, тоа ќе биде доволно за целосна размена на воздух, а тоа правете го три до пет пати на ден.
Оставете ги на кип или целосно отворете ги
Прашање на избор е дали е подобро прозорците да се остават долго отворени или целосно да се отворат, да се проветрат малку и потоа да се затворат. Но, во текот на зимските месеци, за време на викендите или ако работите многу во вашата домашна канцеларија, можете да ги држите прозорците отворени. Меѓутоа, доколку сте отсутни од дома во текот на денот, потребна ви е поинаква стратегија. Доколку сте отсутни цел ден, доволно е да проветрувате поретко. Минимално наутро и навечер, но имајте за цел да проветрувате три пати на ден по пет минути – проветрувајте наутро по станувањето, кога ќе се вратите дома од работа и повторно непосредно пред спиење.
Идеална температура и влажност
Идеалните здрави услови во кои треба да останеме во затворени простории се: 50 проценти релативна влажност, собна температура 21 ° C, влажност не помала од 30 проценти и не повисока од 60 проценти. Сувиот воздух во просторијата предизвикува здравствени проблеми, вклучувајќи проблеми со респираторниот тракт и очите, напнатост, замор и слабеење на концентрацијата, сушење на кожата и други кожни болести и алергии може да се влошат. Прекумерната влажност може да поттикне развој на грини и микроорганизми, што го поттикнува развојот на мувла, габи и бактерии.
