САД и Иран се согласија на двонеделно примирје со кое привремено се запре конфликтот што започна со нападите на САД и Израел на 28 февруари.Клучен дел од договорот се однесува на Ормутскиот теснец, кој сега треба да биде отворен.
Според американските медиуми, Ормутскиот теснец ќе функционира на малку поинаков начин до потенцијално сеопфатно и трајно примирје.
Прво на сите, преминот треба да биде ограничен на 10 до 15 бродови дневно, кои ќе мора да добијат дозвола од иранската војска. За споредба, пред нападот на САД и Израел врз Иран, околу 100 бродови минуваа низ Ормуз дневно.
Покрај тоа, Иран и Оман, земјата што се наоѓа од другата страна на теснецот, ќе наплаќаат царина за секој премин, која треба да ја платат компаниите чии бродови сакаат да поминат низ овој теснец.
Техеран претходно најави воведување патарини за премин на бродови како начин за финансирање на обновата на земјата по завршувањето на конфликтот.
Исто така, Америка треба да го ослободи пристапот до средствата на иранската влада што се замрзнати како дел од овој договор.
Цените на нафтата на светските пазари нагло паднаа откако американскиот претседател Доналд Трамп објави прекин на огнот со Иран. Тие сега се тргуваат далеку под 100 долари за барел.
Она што сите го очекуваат сега е безбедно поминување на танкерите низ Ормутскиот теснец, барем за време на двонеделното примирје.
The post Како треба да изгледа преминот низ Ормутскиот теснец за време на прекинот на огнот: Компаниите ќе им плаќаат на Иран и Оман appeared first on Во Центар.
