Во 1960-тите, Швајцарија имаше една од највалканите води во Европа. Денес, нејзините градови можат да се пофалат со реки и езера кои ги инспирираат другите земји да се стремат кон чиста вода.
Денес, Швајцарија има некои од најчистите реки во Европа. Според податоците на Европската агенција за животна средина, во 2023 година само пет од 196 базени биле оценети како неквалитетни. Меѓутоа, состојбата со водата во земјата не била секогаш ваква, пишува The Guardian.
Дури и во 1960-тите, швајцарските води беа зафатени од алги, морска пена, ѓубриња и мртви риби кои лебдеа на површината. Непречистената канализација и индустриската отпадна вода течеше директно во реките и езерата, а пливањето во реките како Аре и Лимат беше забрането со децении бидејќи луѓето можеа да се разболат само од мала голтка вода.
Епидемија на тифус во 1963 година во планинското одморалиште Зермат уби три лица, а заболе 437. Трагедијата ги поттикна жителите да побараат од владата да ги исчисти водните патишта кои се докажаа како извор на епидемијата. Во 1971 година, во нивниот закон беше запишано и третман на отпадни води.
Денес, 98 проценти од населението е приклучено на пречистителна станица за отпадни води, додека во 1965 година, само 14 проценти биле приклучени. Швајцарија е позната по својата недопрена вода, која локалното население ја нарекува „сино злато“ – сето тоа благодарение на мрежата на станици за третман на вода.
Во 2016 година, Швајцарија стана првата земја што донесе закон за чистење на хемикалиите што се акумулираат во водните патишта. Сега е лидер во чистење на вода загадена со микрозагадувачи – мешавина од хемикалии што е речиси невозможно да се детектираат во водата. Една од нивните многубројни пречистителни станици е Вилет, прва во Женева која чисти микрозагадувачи и филтрира 250 литри вода секоја секунда.
„Висококвалитетната вода е многу важна за жителите“, рече Мајкл Метл, менаџер за технологија за отпадни води во Холингер. „Внимаваме да не ја загадиме водата на пат низ Швајцарија.
Според анализата на Ендс Извештајот, владата потрошила просечно 174 фунти (206 евра) по лице во 2022 година за третман на вода.
Во Швајцарија во моментов имаат 37 постројки за третман на микрозагадувачи, а до 2040 година проценуваат дека ќе има приближно 140. „Во однос на микрозагадувачите, ние сме 10 до 15 години пред соседните земји“, рече Метл.
„Луѓето не сфаќаат колку работа е потребна за да се добие чиста вода во Швајцарија“, рече Метл, додавајќи дека Швајцарците се горди на својата вода. „Тоа им овозможува да уживаат во здрав и среќен живот.“
