Кинеската и руската морнарица ќе одржат заеднички воени вежби во водите и воздушниот простор во близина на кинескиот град Кингдао во текот на јули, објави денес кинеското Министерство за одбрана.
Според министерството, по завршувањето на вежбите, дел од силите на двете земји ќе се упатат кон одредени области на Тихиот Океан за да спроведат заеднички поморски патроли, објави Ројтерс.
Кинеските власти нагласија дека овие вежби се одржуваат на годишна основа и не се насочени против трети страни.
Како што е наведено, целта на заедничките активности е подобрување на соработката како одговор на безбедносните предизвици, како и зачувување на регионалниот мир и стабилност.
The post Кинезите и Русите подготвуваат заеднички воени вежби appeared first on Во Центар.
