Составот на Лос Анџелес Клиперс дојде до брејк во плејофот серијата со Денвер Нагетс во западната конференција во НБА лигата.
Избраниците на Лу славеа во Колорадо со 105:102 и со тоа израмнија на 1-1 во оваа пресметка која сега се сели во Лос Анџелес каде Клиперс двапати ќе ја има улогата на домаќин.
Одново одлучуваа нијанси како на првиот меч и лесно можеше да се случи повторно да гледаме продолженија затоа што Денвер преку Браун и Јокиќ во завршните секунди промаши два удари за три поени.
Победникот беше предводен од фантастичниот Ленард со 39 поени, 3 скока, 5 асистенции и 1 блокада, Харден додаде 18 кошеви, а центарот Зубац дојде до дабл-дабл од 16 поени и 12 скока. Јокиќ кај поразените имаше трипл-дабл од 26 поени, 12 скока и 10 асистенции, зад него беше Мареј со 23 поени.
На втората средба Детроит Пистонс исто направи брејк и тоа во „Медисон Сквер Гарден“ против Њујорк Никс. Гостите триумфираа со 100:92 во натпреварот во кој број еден беше Канингем со 33 поени, 12 скока и 3 асистенции.
Кај Никси комплетната петорка беше двоцифрена, но клупата донесе само осум поени.
Видео
The post Клиперс го освои Денвер (ВИДЕО) appeared first on 365.mk.
