Дали верувате во љубов на прв поглед? Ако се земат во предвид резултатите од најновите истажувања, верувале ние или не, процесот на заљубување трае само 1/5 од секундата!
Студиите покажале дека процесот на заљубување е сличен на оној кога некој користи кокаин. Кога лицето ќе се вљуби, 12 подрачја во мозокот почнуваат да работат заедно и да произведуваат допамин, адреналин, окситоцин и вазопресин, кои се ослободуваат во исто време. Овие хемиски супстаниции се одговорни за она будалесто и слатко чувство.
Ова откритие го покренува прашањето дали се заљубува нашето срце или мозокот?
Според мислењето на истражувачите од Универзитетот „Сиракуза”, тоа е навистина работа на мозокот, а не на срцето. Тоа го утврдиле со магнета резонанца на волонтери за да утврдат како се испуштаат споменатите супстанции кога ќе се заљуби.
Заклучиле дека срцето е само концепт за кое ја врзуваме заљубеноста. Дури ефектот `пеперутки во стомакот` се само последица на активноста на мозокот и испуштањето адреналин.
