Дали знаевте дека доколку ги вклучите печурките во вашиот појадок не само што ќе се чувствувате заситени подолго време туку и ќе можете да ја зачувате вашата фигура?
Консумирајте ја редовно за појадок оваа намирница доколку сакате да бидете сити подолго време!
Ова го потврдуваат резултатите од научното истражување објавено во списанието Appetite, кое ги претставува печурките како чудотворен лек против ненаситноста. Заклучокот на истражувачите од Универзитетот во Минесота е следниов: појадокот кој се состои од печурки може да ве засити многу повеќе од појадокот базиран на месо, риба или јајца.
За да го спроведат своето истражување, експертите работеле со 32 волонтери (17 жени и 15 мажи) кои консумирале два вида појадок десет дена. Првиот вклучувал 28 грама мелено говедско месо, додека вториот го заменил протеинот со 226 грама печурки. Тие имала за задача да ја опишат нивната состојба на ситост, во редовни интервали, во текот на утрото. Исто така, испитаниците ја евидентирале количината на храна што ја консумирале за ручек. Резултат: оние чиј појадок вклучувал печурки се чувствувале сити по појадокот. Затоа, тие биле во помало искушение да прибегнат кон грицки меѓу оброците.
Мора да се каже дека печурките се една од оние супер намирници кои мора да бидат вклучени во вашето секојдневно мени. Тие се нискокалорични, но богати со хранливи материи, витамини, минерали и природни протеини. Освен тоа, тие имаат и многубројни здравствени придобивки. Докажано е дека редовната употреба на печурките може да помогне да се намали ризикот од рак и да се зајакне имунолошкиот систем.
