Министерството за култура на Република Македонија гордо го најавува настапот на Македонскиот женски младински хор „Менада“ од Тетово, кој веќе долг период служи како амбасадор на македонското хорско пеење. Концертот е закажан за 11 април со почеток во 19:00 часот во македонскиот Културно-информативен центар во Белград. Под диригенската палка на маестро Ивица Зориќ, хористките ќе изведат 50-минутна програма со акцент на духовна музика, при што ќе се слушнат и неколку македонски евергрини.
Покрај концертот, истата вечер ќе биде отворена и изложба под наслов „Два конца парај“. На неа ќе учествуваат 24 уметници кои ги претставуваат мостовите на културна размена и пријателство меѓу македонската и српската уметност. КИЦ Белград, заедно со партнери како Друштвото на ликовни уметници „Македонци во Србија“, Галеријата „M“ и Фондацијата „Нушиќ“, селектираа 50 дела од уметници кои најголем дел од својот креативен животен пат го имаат поминато во Белград и Србија. Овие културни настани се први од ваков вид во КИЦ Белград, ново отворениот центар на улица „Македонска“ бр. 30, чиј официјален почеток е планиран за мај.
The post Концерт и изложба вечерва во Македонскиот КИЦ во Белград appeared first on 365.mk.
