Турција продолжува со воздушните напади врз курдските милитанти во Сирија и Ирак откако Курдистанската работничка партија (ПКК) изврши терористичкиот напад во средата на фабрика за авиони во Анкара, во кој загинаа пет лица, а десетици беа повредени.

Националната разузнавачка служба на Турција соопшти дека била насочена кон голем број на “стратешки локации” користени од страна на ПКК.

Вчера турските воздухопловни сили извршија воздушни напади врз слични цели во северна Сирија и северен Ирак, неколку часа откако владините претставници ја обвинија ПКК за смртоносниот напад врз седиштето на воздухопловната и одбранбената компанија ТУСАС.

Министерот за одбрана Јашар Ѓулер денеска изјави дека во воздушните напади вчера биле уништени 47 цели на ПКК, од кои 29 во Ирак и 18 во Сирија.

Од ПКК нема реакција во врска со нападите.