Потребно е:
5 компири
4 јајца
200 гр шунка
300 гр сирење
2 чаши кисела павлака
100 гр мајонез
Подготовка:
Компирите сварете ги во кора, изладете ги и излупете ги. Сварете ги јајцата, а потоа изладете ги и излупете ги (овој рецепт е одличен да ги искористите и преостанатите јајца од Велигден). Направете прелив за салата: измешајте павлака и мајонез, а потоа посолете по вкус. Премачкајте го дното на проѕирен сад со преливот. Компирите изрендајте ги, па премачкајте ги со преливот. Преку неа изрендајте ја шунката и премачкајте ја со преливот. Вареното јајце изрендајте го, па додајте го преливот. Преку него изрендајте го сирењето. Повторете го процесот. Преостанатото сирење изрендајте го над салатата.
