Кремљ во четвртокот соопшти дека нема намера да „губи време“ одговарајќи на она што го нарече неосновани тврдења од западните медиуми и полскиот премиер Доналд Туск дека покојниот сексуален престапник Џефри Епштајн бил таен руски агент.
Полскиот премиер Доналд Туск во вторникот објави дека Варшава ќе започне официјална истрага за можни врски меѓу Епштајн и руските разузнавачки служби, како и нивното потенцијално влијание врз Полска. Сепак, при објавувањето на ова соопштение, Туск не даде никакви конкретни докази во поддршка на овие сериозни обвинувања.
Кога новинарите го прашаа дали Епштајн навистина е руски агент, портпаролот на Кремљ, Дмитриј Песков, одговори во својот препознатлив стил.
„Имам желба многу да се шегувам за ова тврдење, но нема да губиме време на тоа“, рече кратко Песков.
Руските власти тврдат дека наративот за поврзаноста на Епштајн со руските служби се пласира со јасна цел – да се одвлече вниманието од скандалот што ја разоткри лицемерието на највлијателните личности во Соединетите Американски Држави и Европа.
Неодамна објавените судски документи поврзани со случајот Епштајн покажуваат дека тој постојано ја изразувал својата желба да се сретне со рускиот претседател Владимир Путин. Сепак, како што објави АФП, нема докази дека таква средба некогаш се одржала, иако Ројтерс објави дека Русија се споменува неколку илјади пати во документите.
Најновата серија документи, исто така, ги открива обемните напори на Епштајн за шверцување млади жени од Русија во Европа и САД.
Вреди да се напомене дека разни медиуми и блогери претходно шпекулираа дека Епштајн можеби бил агент на израелскиот Мосад или американската ЦИА. Сепак, досега не се објавени легитимни докази што потврдуваат дека покојниот милијардер работел за која било разузнавачка агенција.
The post Кремљ се огласи по тврдењето дека Епштајн бил нивни човек: „Имаме желба многу да се шегуваме за тоа“ appeared first on Во Центар.
