Средбата меѓу рускиот и американскиот претседател Владимир Путин и Доналд Трамп секако ќе се одржи кога ќе дојде време, но за тоа се потребни подготовки, изјави за телевизијата „Русија 24“ прес-секретарот на рускиот лидер Дмитриј Песков.

„Тој состанок ќе се одржи. Претседателите ја изразија својата политичка волја да се одржи, вклучително и јавно. Ќе се одржи во соодветно време. Треба да се подготвиме за тоа“, рече портпаролот на Кремљ.
Средбата меѓу претседателот Путин и специјалниот пратеник на американскиот претседател Стив Виткоф во Санкт Петербург може да биде чекор кон лична средба меѓу лидерите на двете земји.
Виткоф го посети Санкт Петербург на 11 април. Неговите разговори со Путин траеја повеќе од четири часа. Специјалниот пратеник на Трамп разговараше и со специјалниот претставник на Путин за инвестиции и надворешна економска соработка и шеф на рускиот фонд за директни инвестиции, Кирил Дмитриев.