Крокодилот кој долги години наназад бешезаштитно лого на познатиот бренд Lacoste овојпат, им го препушти своето место на други животни, од загрозен вид.
Благодарение на соработката на брендот и Меѓународната унија за зачувување на природата, компанијата создаде нови поло маички со лого од загрозени животни и тоа – колку маички има со тоа животно, толку животни од тој вид има останато на земјата.
Со купување на една од овие маички, им помагате на Меѓународната унија и компанијата во борбата за зачувување на дивите животни ширум светот.
На познатите поло маички, дизајнерите на брендот сместија див тигар како лого, папагал, носорог, калифорниска морска свиња и уште некои други. Ова е прв пат компанијата да го промени познатиот логотип, а во последната колекција прикажана на париската модна недела, дизајнерите прикажаа и панталони, јакни и маички со принтови од десетте најзагрозени животински видови во светот.
