Лазања со зеленчук и два вида сирење е секогаш добар предлог за ручек.
Состојки:
- 1 пакување лазања
- 1 црвен кромид
- 4 чешниња лук
- 2 јајца
- 250-300 гр спанаќ
- 400 гр рикота сирење
- 200 гр моцарела
- 150 грама пармезан
Сос:
- Малку сос од домати
- Малку маслиново масло
- сол, бибер
Подготовка:
Во тава пропржете го црвениот кромид. Се динста додека не омекне и порумени, а потоа се додава лукот и се динста уште малку.
Се трга настрана да се излади малку.
Во поголем сад изматете ги јајцата, додадете ги рикотата, спанаќот и 100 гр моцарела. Додадете сол и бибер.
Кога смесата со динстаниот кромид ќе се олади, додадете ја во смесата со спанаќ. Сè добро измешајте.
Во длабок сад измешајте ги сосот од домати, малку маслиново масло и солта.
На дното на садот за печење ставете го сосот од домати, одозгора листовите лазањи и одозгора смесата со спанаќ и сирење.
Повторете трипати и на крајот прелијте го со преостанатиот домат сос, па ставете ја моцарелата и посипете со пармезан.
Покријте со фолија и печете 30 минути. Отстранете ја фолијата, па вратете ги лазањите да се печат уште 15 минути.
Добар апетит!
Пронајдете не на следниве мрежи:
