Министерот Лимани ја отежна постапката за добивање на туѓа нега, реагираат од политичката партија Левица.

– Новиот Правилник за остварување на правото на надоместок за помош и нега од друго лице, донесен од министерот Фатмир Лимани, наместо да ги олесни постапките, системот се усложнува, а одговорноста дополнително се префрла врз граѓаните.

Иако формално се најавува поедноставување, новите измени воведуваат дополнителни оптоварувања и тоа задолжително доставување на наод, оцена и мислење од стручна комисија уште при поднесување на барањето.

Ова во реалност значи дополнително административно оптоварување за граѓаните,

подолг пат до остварување на правото и потенцијално создавање на нови чекања и застои. Наместо побрза и поефикасна услуга, постои ризик процесот да стане посложен и потежок, особено за лицата на кои помошта им е најпотребна.

Со вакви сложени бирократски процедури очигледно е дека намерата е што повеќе луѓе да се откажат од остварување на ова право, а се со цел кратење на средствата од Буџетот наменети за назагозените.

Бараме министерот Лимани да донесе решенија што навистина ќе ги намалат процедурите, а не што ќе создаваат нови бариери. – велат од Левица.

Во продолжение новиот Правилник.

https://portal.mdt.gov.mk/post-body-files/regulativa-od-oblasta-na-socijalnata-zastita-file-PZjw.pdf