Кога станува збор за витамините, идеален избор за време на зимскиот период е токму кивито бидејќи содржи витамини од групата Б, како и витамините А и Ц и железо.
Кивито е одлично овошје и за идните мајки бидејќи витамините од групата Б помагаат во правилен развој на фетусот. Значаен е и изворот на калиум кој го регулира крвниот притисок, а овој плод е богат и со фолна киселина која ја потпомага синтезата на протеини.
Ова моќно овошје го намалува нивото на холестерол, ги неутрализира слободните радикали, ја зголемува одбранбената способност на организмот и ја потпомага елиминацијата на токсини од телото.
Без стрес и главоболка
Благодарение на високовредните состојки, кивијата се ефикасни и во борбата против респираторните инфекции, а освен тоа, тие го зајакнуваат имунитетот, штитат од настинки, го регулираат крвниот притисок, го намалуваат ризикот од појава на срцеви болести, мозочен удар и тумор, а помагаат и во борбата против главоболките и стресот.
Со редовното консумирање на свежо киви се намалува количината на триглицериди во крвта за 15 отсто.
За мека и здрава кожа
Поради високата содржина на витамин Ц и овошни киселини, кивито е честа состојка во производите за нега на лицето и телото.
Кивито ја штити кожата од сушење и ја прави мека и нежна, а освен тоа го регулира лачењето на себум, ги стеснува проширените пори и го забавува стареењето.
