Претседателот на Белорусија Александар Лукашенко изјави денеска дека земјата „нема што да бара во Европската унија“.

Во разговор со новинарите, Лукашенко рече дека голем број функционери се вклучени во преговорите за пристапување на Украина во Европската унија, како и дека за тој процес се издвојуваат милиони долари, па многумина се заинтересирани да се приклучат на оваа „креативна група“, но дека тоа е нешто што веројатно никогаш нема да се случи, пренесе државната белоруска агенција „Белта“.

„Милиони долари се во прашање. И тука прават нешто што веројатно никогаш нема да се случи. Украина тешко дека некогаш ќе биде во Европската унија. И тука ги лупат, ги лупат овие (европски) грантови што ги дистрибуираа“, рече Лукашенко.