Луѓето кои пораснале со сестра веројатно ќе бидат посреќни и пооптимисти во животот од другите, покажа новото истражување на Универзитетот во Алстер во Северна Ирска. Во истражувањето учествувале повеќе од 570 луѓе, на возраст меѓу 17 и 25 години, кои одговарале на различни психолошки прашања, вклучувајќи ги и оние поврзани со менталното здравје.

Според резултатите, сестрите биле тие кои ги охрабрувале на своите браќа да зборуваат поискрено и отворено за своите чувства, давајќи им поддршка и пооптимистички поглед на животот.

Професорот Тони Кесиди дошол до заклучок дека сестрите поттикнуваат поотворена комуникација и кохезија во семејството, што е основа на доброто ментално здравје. Претходна студија на слична тема покажа дека децата кои пораснале со сестри стануваат пољубезни и посочувствителни од само децата или оние кои имаат само браќа.

Студијата откри дека тие прераснуваат во поамбициозни и независни личности и дека растењето со сестра влијае на формирањето на нивната личност, иако можеби не се свесни за тоа.