Во велешко е регистриран уште еден случај на каснување од змија. Се работи за маж од селото Бањица кој бил каснат од змија додека ги миел рацете на чешмата во дворот од семејната куќа.

Мажот, по настанот кој се случил во понеделникот околу 20.50 часот е пренесен во велешката болница и е надвор од животна опасност.

Според неговото кажување бил казнат од поскок.

Инаку ова е трет случај на каснување од змија за десет дена во велешкиот крај.

На 28-ми јуни, две лица кај селото Војница беа каснати од една змија откако при работа на лозје наишле на змиско гнездо.