Женската ракометна репрезентација на Македонија ќе чека нова прилика за пласман на светско првенство затоа што неуспеа во двомечот со Полска.
Ракометната репрезентација на Македонија одигра рамноправен меч со Полска, но не успеа да дојде до позитивен резултат (21-23) за да се пласира на Светското првенство (СП) кое ќе се игра оваа година заради поразот од четири гола во првиот меч во Кошалин.

Избраничките на Кристијан Грчевски одиграа еден меч во кој имавме голем проблем во креирањето на играта во нападот, а исто така се направија и голем број на технички грешки. Македонија имаше повеќе од 15 загубени топки, а со таква статистика не може да се победи подоброрангирана селекција како Полска со четири гола разлика.