Англиските медиуми објавија дека Манчестер Сити е прогласен за виновен по речиси сите точки од обвинението за кршење на финансиските правила на Премиер лигата.
Според информациите што ги даде „Атлетик“, актуелниот вицешампион на Англија е виновен за дури 114 од вкупно 115 поени што му се наметнати.
Независна комисија сè уште не ја утврдила висината на казната, а опциите се движат од високи казни и одземање на бодови до исклучување од лигата.
Клубот од „Етихад“ веднаш објави дека ќе поднесе жалба на оваа одлука.
EXCLUSIVE: Manchester City found guilty on virtually all charges relating to breaches of Premier League financial regulations. #MCFC expected to appeal against verdict issued by independent commission. Sanctions undecided, process ongoing @TheAthleticFC https://t.co/Muxqp4beK9— David Ornstein (@David_Ornstein) September 25, 2026
Да ве потсетиме дека Премиер лигата поднесе обвинение уште во февруари 2023 година по четиригодишна истрага, обвинувајќи ги за периодот од 2009 до 2018 година.
Обвинувањата главно се однесуваат на поднесување на неточни финансиски извештаи, нетранспарентни исплати на поранешниот менаџер Роберто Манчини и играчите, како и кршење на правилата за финансиски фер-плеј на УЕФА.
Покрај тоа, голем дел од точките се однесуваат на одбивањето да се соработува со истражителите за време на самата постапка.
Целиот процес сигурно нема да заврши наскоро, па затоа се очекува да продолжи долгорочна правна битка во англискиот фудбал.
The post Манчестер Сити прогласен за виновен за финансиска злоупотреба, му се заканува исклучување appeared first on Во Центар.
