Иако е навикнат на убиствено работно темпо, со купувањето на Твитер Маск уште повеќе го зголеми тоа темпо.

Одам да спијам, се будам, одам на работа, спијам, се будам, работам… и така седум дена во неделата, Илон Маск во едно интервју минатата година опиша како изгледа неговата работна недела откако го презеде Твитер. На таа статија тој неодамна одговори со твит: Последните три месеци беа исклучително тешки… никому не ја посакувам таа болка.

Со оглед на тоа дека има повеќе од 50 години, јасно е колку физички и психички тешко може да издржи недела во која поминува поголем дел од времето – дури и повеќе од 120 часа неделно на работа, често спиејќи во канцеларијата на Твитер во Сан Франциско. Маск рече дека морал да живее и да работи на тој начин за да го спаси Твитер од банкрот додека сè уште ги исполнува своите основни должности во Tesla и SpaceX. Но, се чини дека овие обврски не беа толку големи како порано, бидејќи и самиот изјави дека има доверба во тимот што го назначил да ги води овие компании.

Откако го презеде Твитер, тој мораше да донесе голем број тешки одлуки. Меѓу најтешките се бројните отпуштања, а потоа коментираше дека компанијата не е далеку од банкрот. Сега ситуацијата, барем што се однесува до финансиите, е подобра, но компанијата се уште не е „финансиски здрава“.

Покрај фактот дека таквиот начин на живот е ментално исцрпувачки, Маск има сè поголеми проблеми со болниот грб и вратот . Овие проблеми не се нови, а дополнително се зголемени во последните месеци, што ако го исклучиме сонот, тој го поминува исклучиво на работа. Интересно, проблемите започнале откако тој се борел со сумо борач на роденденска забава – според него, тогаш успеал да го собори сумо борачот, но таа забава го чинела повреден ‘рбет и осум години тешки болки.