Училиштата во Тетово и Гостивар бележат сѐ помал број ученици. Причината за тоа, како што може да се претпостави е заминувањето во странство. Податоците на општина Тетово покажуваат дека во 2023 година исписници побарале околу 160 ученици, главно од основните училишта, објавува ТВ 21.

„Доста загрижувачки е бројот на исписници од средните и основните училишта. Од основните училишта имаме некаде околу 128, а од средните околу 31 исписница. За секој ден кога има пријавување, имаме сѐ помалку ученици, особено во основните, но и во средните училишта резултатот е ист“, порача Бесарта Рамадани.

• Кац: Судењето на Нетанјаху ја загрозува националната безбедност
  Израелскиот министер за одбрана, Израел Кац, денеска го критикуваше продолжувањето… Read more: Кац: Судењето на Нетанјаху ја загрозува националната безбедност
• Условни казни затвор за тројца полицајци од Кочани: Судот пресече за случајот поврзан со дискотеката „Пулс
  Основниот кривичен суд Скопје ги прогласи за виновни тројцата полицајци… Read more: Условни казни затвор за тројца полицајци од Кочани: Судот пресече за случајот поврзан со дискотеката „Пулс
• Турската воена индустрија го шокираше светот: Претставија домашна интерконтинентална ракета, со дострел од 6.000 километри
  Турското Министерство за национална одбрана ја претстави првата домашна интерконтинентална… Read more: Турската воена индустрија го шокираше светот: Претставија домашна интерконтинентална ракета, со дострел од 6.000 километри
• Иран воведува нов механизам за транзит низ Ормутска Теснина
  Иран воведе нов механизам за управување со поморскиот сообраќај низ… Read more: Иран воведува нов механизам за транзит низ Ормутска Теснина
• Што се случува со вашето тело ако јадете домати секој ден?
  Доматите се една од најомилените јадења во светот и неопходен… Read more: Што се случува со вашето тело ако јадете домати секој ден?

Во Гостивар пак состојбата е уште позагрижувачка. За само едно полугодие биле побарани околу 200 исписници. И тука во поголем број станува збор за основци.

„Од почетокот на полугодието во 2023 година па до крајот на годината бројката е околу 200 од средните и основните училишта. Секако дека оваа голема бројка нѐ засега, но не можеме да го запреме иселувањето бидејќи тие ги земаат деца, членови на семејството и се селат. Ние се трудиме да создадеме што повеќе услови во училиштата и да ги реновираме, но тие си одат од многу причини. Ова е моменталната состојба во општина Гостивар“, порача Аслиан Снопче.
И додека основните училишта се празнат, бројот на децата во градинките бележи пораст. Ова го покажуваат статистичките податоци на Секторот за образование во Гостивар.

„Во текот на последните 6 години откако го преземавме општината, го удвоивме бројот, значи од 450 на 867 деца“, вели Аслиан Снопче.

Во тетовските и гостиварските планински села има училишта со по 2-3 ученици. Поради тоа општините се принудени да ги спојуваат паралелките со цел училиштата да не се затворат и наставниците да не останат без работа, вели ТВ 21 во својот прилог.

Пронајдете не на следниве мрежи:

• 
• 
• 
• 
• 
•