Јане Ченто во „Претрес со Ландов“, вели дека во притвор и затвор бил малтретиран.

„Ме соблекуваа гол пред келија за да ме претресат дали имам телефон. Со 39 температура молев за парацетамол. Не беше до командирите, имаше наредби од Оливер Спасовски. Се изживуваа врз нас“, вели Ченто.

На прашања од гледачи дека Богдан Илиевски го предал, вели дека ако го предал Илиевски, нема да седи со него.

„Со вакви обвинители и судство, не седум, туку 77 генерации ќе страдаат. Не завршува со Русковска. Новиот обвинител го повикувам да се заинтересира за овој случај“, вели Јане Ченто.

Тој посочи дека две лица, пред да го уапсат, му се јавиле и на средба побарале да потврди

дека Груевски и Чавков се организатори за 27 април.

„Потоа, кога ме ставија во притвор, една вечер во два часот по полноќ влегоа луѓе, а за еден човек рекоа дека е адвокат, кој ми рече дека понудата уште важи да ги обвини Груевски и Чавков. Едниот беше од МВР. Ми покажаа снимка дека сум го удрил Заев. На кого да се жалам“, праша Ченто.