МЗ: Епидемијата на мобили се уште не стивнува

Министерството за здравство соопшти дека сè уште е во тек епидемија на морбили (мали сипаници) на територија на цела држава. Вкупниот број вакцинирани лица на возраст до 14 години со МРП вакцина од почетокот на епидемијата во целата република изнесува 41.623.
Од почетокот на епидемијата, досега, во центрите за јавно здравје, дополнително се аплицирани 6.291 дози вакцина, од кои повеќе од 60 отсто се здравствени работници, студенти и ученици во средните медицински училишта, а останатите се лица на возраст над 14 години. Остануваат на сила претходно препорачаните мерки и активности, кои ги преземаат центрите за jавно здравје, Институтот за jавно здравје, Министерството за здравство, Државниот санитарен и здравствен инспекторат и вакциналните служби во пунктовите за вакцинација, со посебен акцент на вакцинација на сите осетливи лица, посочуваат од Министерството за здравство.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.