Телото на професорот по виолина Милан Перовиќ (37) беше пронајдено во реката Сава во близина на Белград, откако потрагата по него траеше од 20 октомври, кога тој исчезна.
Според достапните информации, извршена е обдукција, но причината за смртта сè уште не е објавена. Се очекуваат и резултатите од ДНК анализата, која, според неофицијални информации, би можела да трае од седум дена до еден месец. Неговото семејство денес потврди дека станува збор за Перовиќ.
Перовиќ работел во обложувалница во Сремска Митровица, а исчезнал откако ја завршил смената. Последен пат бил виден на автобуската станица во Митровица, околу 11 часот наутро, кога требало да си оди дома во Богатиќ.
Семејството, пријателите и бројни граѓани учествуваа во повеќедневната потрага, со апел до секој што има какви било информации да ја извести полицијата или порталот „Исчезната Србија“, каде што неговиот профил беше објавен.
Пребарувањето го водеше Полициската управа Шабац, во соработка со колегите од Сремска Митровица. Според досегашните податоци, не се пронајдени траги што би укажувале како Перовиќ стигнал до Сава, ниту пак во какви околности го загубил животот.
Милан го издржуваше неговото семејство. Студентите и колегите кои го опишуваат како тивок, посветен и исклучително талентиран музичар, чие заминување ќе остави голема празнина во заедницата.
The post Мистериозна смрт во Србија: Телото на професор по виолина пронајдено во Сава во близина на Белград, исчезнат на 20 октомври appeared first on Во Центар.
