Вие ги штитите интересите на бизнисот, јас ги штитам интересите и здравјето на граѓаните на Крива Паланка, истакна денес во гостување во Телевизија 24 градоначалникот на Крива Паланка, Сашко Митовски обраќајки му се на директорот на „Булмак 2016„, Тони Тоневски.

Митовски побара објаснување од директорот на Булмак какви се бизнис релациите на неговата партија, ВМРО-ДПМНЕ со сопственикот на Булмак.

• Одговорете какви бизнис интереси имате, кој носи храна во рудникот, кој се крие зад друго правно лице? – истакна Митовски, но доби одговор дека тоа не било тема на разговор.

Митовски додаде дека огромните количини на цијанид и олово предизвикуваат трајни последици по животната средина, но и дека ова не е прв проблем во Булмак.

• Никој не е против правното лице Булмак како такво, меѓутоа јас сум тука да ги штитам интересите и здравјето на граѓаните, нагласи Митовски.

Претходно рудари од рудниците во Злетово и Крива Паланка кои велат дека не верувале дека мрачното минато на поранешниот градоначалник на Пробиштип, а сега директор на Булмак да биде нивна иднина. Во писмото рударите наведуваат дека на пример договорот за храна од 09.01.2025 година, со фирмата МЕТАПРО ДООЕЛ од Пробиштип, како нарачувач на услугите е потпишан директорот, а како вршител на услугите е потпишан неговиот бизнис партнер Сашо Наневски. Вработените велат дека има голема разлика, односно храната е со полош квалитет во споредба со претходно.

Како што наведуваат во писмото, рударите трпат огромни закани со цел овие информации да не излезат во јавноста.

Во продолжение писмото од рударите.