Иницијаторите за конгрес се обратија до јавноста денеска. Ова е интегралното соопштение:
Политиките на се уште актуелниот претседател Христијан Мицкоски носат само порази и ја уништуваат ВМРО-ДПМНЕ.
СДСМ денеска слави во Штип, а членовите на ВМРО-ДПМНЕ се понижени и потиштени бидејќи првиот човек не им дозволи да се борат за вмровскиот бастион.
Во ситуација на здравствено-економска криза, бугарско вето и бројни скандали, СДСМ успеа да добие 1600 гласови повеќе од гласовите кои ги освои во јули во Штип.
Почист и појасен показател дека граѓаните не гледаат алтернатива во Мицкоски, нема.
Тоа се виде и на слабо посетените протести, кои беа организирани секаде, освен во Штип.
Членовите на партијата и неутралните граѓани го отфрлаат лицемерието на Мицкоски и политиката на бегање. Неодлучноста на Мицкоски го ситни ВМРО-ДПМНЕ. На референдумот не застана ни против, ниту пак повика на бојкот. Избега од соочување и на овие избори.
Мицкоски вака ги загуби и Охрид и Ново Село.
Мицкоски вака ги загуби и Претседателските и Парламентарните избори.
Или Мицкоски или ВМРО-ДПМНЕ!
Јасно е дека сеуште актуелниот претседател, нема капацитет да ја води партијата.
Време е за оставки и одговорност.
На Македонија и треба цврста и кредибилна опозиција која ќе биде сериозна алтернатива на власта.
На Македонија и треба обединето ВМРО-ДПМНЕ кое нема да бега, туку ќе го победува СДСМ на секој фронт.
На Македонија и треба модерно, а не изолирано ВМРО-ДПМНЕ кое ќе гради силни врски со нашите меѓународни партнери.
Ако и мисли добро на државата и на партијата, Мицкоски веднаш ќе си замине.
Пронајдете не на следниве мрежи:
