Премиерот Христијан Мицкоски во гостување во ТВ Алсат говорејќи притисоците врз цените и стандардот на граѓаните истакна дека иако, како што рече, живееме во невидлива трета светска војна, состојбата е многу подобра од пред четири години кога на власт беа СДСМ и Филипче.

„Еве дозволете ми за тоа да ви дадам одговор со бројки. Јас не зборувам на чувства, зборувам со бројки. Еве ако го анализираме третиот квартал во 2022-та и ако го анализираме третиот квартал во 2026-та, просечната инфлација, цените во 2022-та се 67% над просекот во Европа. Ако просекот во Европа е 10 запирка нешто проценти, кај нас просекот, инфлацијата тогаш била околу 17 проценти. Денеска инфлацијата во третиот квартал 2026-та во Македонија е за 25% пониска од европскиот просек. Ако денеска просекот јули, август и септември е некаде околу 2 ипол, 2,57%, а европскиот просек е некаде 3-3,3%, тогаш доаѓаме до заклучокот дека во 2022-та во третиот квартал цените во Македонија биле за 67% повисоки во однос на Европската унија.“, потенцираше Мицкоски и додаде:

„Јас сум политичар којшто води политика на основа на бројки и бројките се дел од статистиката и врз основа на бројките вие цените дали одите напред, стагнирате или уназадувате. Јас само сакам да кажам дека сега бројките се неколкукратно подобри од пред четири години.“