Премиерот на Северна Македонија, Христијан Мицкоски, денес зборуваше за динамиката на изградбата на автопатиштата, велејќи дека сите сегменти од Коридорот 8 се развиваат според предвидената динамика.
„Сите сегменти од Коридорот 8 се развиваат според предвидената динамика. Моментално се работи на галериите. Имавме мала тешкотија, морам да признаам, особено во делот на обезбедување средства за завршување на сегментот Кичево-Охрид. Бидејќи знаете дека кредитот што го добивавме од кинеската банка „Ексим“, повеќе не го добиваме, престана. Но, брзо се реорганизиравме и тој проблем беше надминат.“
„Формиран е синдикат од локални банки со исклучително, би рекол, поволни услови. И практично тие локални банки ќе го завршат финансирањето и ова ќе биде последно. Со ова, тој сегмент конечно ќе биде функционален“, рече Мицкоски.
„Сегментот Тетово-Гостивар, Гостивар-Букојчан исто така напредува. И конечно, доставен е извештајот до кредиторите за сегментот Букојчан до спојот со Кичево, практично во сегментот на автопатот Кичево-Охрид. Значи, сум исклучително задоволен од тој дел. Исто така, на многу солиден начин, би рекол според динамиката, напредува реализацијата на сегментот Прилеп-Манастир, кој е дел од Коридорот 8, 10-Д“, нагласи Мицкоски.
The post Мицкоски: Изградбата на Коридорите 8 и 10Д напредува според предвидената динамика appeared first on Во Центар.
