среда, 18 ноември 2026
Најново

Мицкоски-Коста: Македонија заслужува достоинствен процес на европска интеграција, а не по билатерални услови

Претпочитан извор Додај го Пулс24 во твоите извори на Google Додај

Премиерот Христијан Мицкоски објави дека денес, во рамките на Минхенската безбедносна конференција, се сретнал со претседателот на Европскиот совет, Антонио Коста, со кого имале отворен и искрен разговор за европската перспектива на Македонија.

„Разговаравме отворено и искрено за европската перспектива на Македонија, реформите што ги спроведуваме и предизвиците што стојат на патот кон полноправно членство во Европската Унија. Јасно го пренесов нашиот став: Македонија останува посветена на европскиот пат. Но, во исто време, Македонија заслужува достоинствен и принципиелен процес, базиран на европски вредности, а не на билатерални услови“, напиша Мицкоски во објава на Фејсбук.

ПУЛС24.МК - 14 ГОДИНИ

Премиерот нагласи дека владата работи на суштински реформи како што се владеењето на правото, борбата против корупцијата, економската стабилност и подобрувањето на животниот стандард на граѓаните.

„Европската иднина не е само политичка цел, таа е избор за подобра држава. Ние продолжуваме да работиме – со одговорност, чесност и со јасна визија за Македонија во Европа“, напиша Мицкоски по средбата со Коста.

Поврзани вести