Мијалков сам во „Шутка“ поради изолација од коронавирус – „Се преземаат засилени безбедносни мерки и чести контроли“

Некогашниот шеф на полицијата, во петокот беше спроведен во затворот „Шутка“ откако обвинителството за него побара притвор по соопштувањето на пресудата за случајот „Таргет-Тврдина“.
Од затворот информираат дека моментално Сашо Мијалков е сам во просторија, поради коронавирусот, а тоа е пракса која се спроведува од почетокот на пандемијата, односно секој нов во затворот, да остане прво во изолација.
Мијалков е под засилени безбедносни мерки, а се спроведуваат и чести контроли каде што престојува тој.
Мијалков претходно беше неколку денови во куќен притвор, откако притвор побара обвинителството бидејќи имале дојави лицето се подготвува за Бегство.
Судот одреди куќен притвор, а Мијалков не беше достапен на полицијата за да го прими решението. Изненадно, пред еден медиум се појави во вторникот, по што беше спроведен во куќен притвор.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.