Ирина Шајк веќе одамна ги претвори улиците на Менхетен во модна писта.
Познатата манекенка редовно шета во најмодерните модни комбинации, заедно со ќерката Леа, и често се забележани од страна на папарацо фотографите.
Поради својата облека и чувството за мода, Шајк одамна ја има добиено титулата за икона на стилот, чии модни техники ги воодушевуваат жените ширум светот.
Ниту новото издание на манекенката не е исклучок бидејќи Ирина со овој комплет успеала да го привлече вниманието на сите љубители на модата. Овојпат, таа избрала комплет од тексас кој е составен од фармерки и јакна со потпис на брендот „Вивиен Вествуд“.
Она што е интересно кај нејзиниот стајлинг е необичниот дезен кој ја претставува ренесансната слика на францускиот уметник Франсоа Буше наречена „Дафни и Клое“.
Сликата целосно го покрива комплетот од тексас на атрактивната манекенка, која го надополнила стајлингот со чизми со дебел ѓон и црна чанта.
Како ви се допаѓа ова издание на убавата Шајк?
