Американскиот претседател Доналд Трамп изјави во неделата дека не се шегува со тоа што ќе се кандидира за трет мандат, но не објасни како ќе ја заобиколи уставната одредба со која se забранува иста личност да биде претседател повеќе од двапати.

Дел од 22-от амандман на Уставот на САД вели: „Ниту едно лице нема да биде избрано на функцијата претседател повеќе од два пати“.

Амандманот беше ратификуван во 1951 година, откако претседателот Френклин Д.Рузвелт го напушти непишаното правило од два мандати до кое се придржуваа шефовите на држави уште од првиот претседател Џорџ Вашингтон.

Рузвелт, демократ кој ја водеше земјата низ Големата депресија и Втората светска војна, беше шретседател три мандати пред да почине неколку месеци откако беше избран по четврти пат во 1945 година. Вејн Унгер, професор по право на Универзитетот Квинипијак, објаснува дека уставот јасно кажува дека претседателите се ограничени на два мандати од четири години.

Иако ова не беше оспорено на суд, обидот на Трамп да го стори тоа најверојатно ќе биде неуспешен, додаде Унгер.

„Јас би претпоставил дека Врховниот суд ќе каже „не“, јасно е, два мандати од четири години, Доналд Трамп, не можете да се кандидирате за трет“, рече Унгер, кој предава уставно право.

Тие можат, но тоа е многу малку веројатно во време на напната политичка поларизација меѓу демократите и Републиканската партија на Трамп.

За секој уставен амандман потребна е поддршка од две третини во Претставничкиот дом и Сенатот, или две третини од државите ќе треба да свикаат собрание, а амандманот потоа ќе треба да биде ратификуван од законодавните тела на 38 од 50 држави.

Републиканците имаат тесно мнозинство од 218 до 213 членови во Претставничкиот дом и 53 спрема 47 во Сенатот.

Републиканската партија има контрола над законодавните тела во 28 сојузни држави.

Енди Оглс, републикански член на Претставничкиот дом од Тенеси и цврст поддржувач на Трамп, во јануари предложи да се измени 22-риот амандман за да им се овозможи на луѓето да се избираат во три непоследователни претседателски мандати.

Бидејќи мандатите на Трамп започнаа во 2017 и 2025 година и не беа последователни, усвојувањето на амандманот ќе му овозможи повторно да се кандидира во 2029 година.

Во интервју за NBC, Трамп рече дека една од можностите би била неговиот потпретседател Џеј-Ди Венс да се кандидира за претседател во 2028 година, со Трамп како негов потпретседател.

Венс тогаш, доколку победи, би поднел оставка и би подготвил терен за враќање на Трамп во Белата куќа.

Но, Трамп не може да се кандидира за потпретседател бидејќи не може да биде претседател.

Во дванаесеттиот амандман на Уставот на САД се вели: „Ниту едно лице кое нема право да биде претседател според Уставот, нема да биде (или да биде) потпретседател на Соединетите држави“.