Вчера околу 16 часот безживотно тело на 67 годишен маж е најдено покрај пат во тетовското село Рогачево. СВР Тетово информира дека на телото немало траги на насилство, но јавен обвинител дал наредба да се направи обдукција.
– На патот во селото Рогачево бил пронајден починат Г.К.(67) од Скопје. Од лекар од итна медицинска помош во Тетово била констатирана смрт, без траги на насилство. Увид на местото на настанот извршила екипа од СВР Тетово.По наредба на јавен обвинител, телото на починатиот е предадено за обдукција, информираа денеска од службата за односи со јавноста при СВР Тетово.
