Доверливиот и позитивен однос со партнерот ќе ве направи најсреќен пар, но не е секогаш така едноставно. За да дојдете до таков однос треба да покажете одреден напор за да ја направите вашата врска посилна и поздрава.
Здравите односи во романтичните врски не се случуваат случајно, тие бараат посветеност на двајца што се сакаат. Овие навики ќе ви помогнат да ја изградите или зајакнете вашата врска и да спречите раскинување, а некои од нив можат да бидат корисни и во други односи, како на пример пријателствата.
- Зеленски предизвикува штета, тоа е недозволиво – рече Фицо по средбата со Путин
- Јокиќ 21 минута беше без поен, па се разбуди и дојде до нов трипл-дабл
- Фетаи со иронија за Груби и најава: По посетата на Косово сам ќе се предаде во Шутка! – По него ќе уследат и други апсења!
- БиХ: Татко ја дал 12-годишнaта ќерка за „голф двојка“
- На 24 декември човештвото ќе постигне успех еквивалентен на нашето слетување на Месечината
- Подготвителната седница на Уставниот суд за Законот за јазици ќе се одржи од 19 до 21 март
- Дневен хороскоп за понеделник 23 декември! Успехот ги следи Раковите, Лавовите мора да внимаваат на сообраќајот
- Трамп: Ќе ја завршам војната во Украина, ќе ја спречам Третата светска војна
- Костадиновски за изјавите на Мицкоски: Ирелевантно е кој ги избрал уставните судии
За почеток, секогаш внимавајте што се зборува. Комуникацијата е клучна за здрава врска. Не го игнорирајте партнерот со тоа што ќе бидете зафатени на телефон додека сте заедно. Со овој гест вашите партнери ќе почувствуваат дека ги почитувате.
Едно важно правило е да му се додворувате на вашиот партнер. Без разлика дали сте долго во врска или сте во брак, неважно е кога е додворувањето во прашање. Потсетете го партнерот дека сè уште го сакате исто како на почетокот на вашата врска. Среќните парови никогаш не престануваат да си кажуваат убави и романтични зборови.
Погрижете се да обрнете внимание на вашата сакана личност со тоа што ќе забележите мали промени, како нова фризура или нова облека. Дајте му комплименти на партнерот како допрва да треба да го освоите.
Друга навика на среќните парови е одржувањето мали ритуали како на почеток на врска. Бакнеж за добра ноќ или добро утро е одлична навика која ќе ви обезбеди да останете поврзани и среќни. Со гестови како држење за рака во јавност, покажувате наклонетост кон вашиот партнер.
Конфликтните ситуации се неизбежни во секоја врска, па затоа внимавајте да не кажувате зборови за кои ќе зажалите. Секогаш партнерот гледајте го од попозитивна перспектива, ова ќе ви помогне да запомните зошто ја сакате токму таа личност.
Бидете првата личност што ќе го поддржи вашиот партнер во неговите соништа. Почитувајте ги неговите желби и мотивирајте го да успее во своите цели. Среќните парови се слушаат и се охрабруваат во тешки моменти.
Исто така, простувањето во врските е многу важно. Секој може да греши, па би било добро секој да научи да простува и да продолжи понатаму. Лутината може само да ја ослаби вашата врска и да доведе до раскинување.
Обрнете внимание на квалитетот на вашиот однос. Важно е како ги поминувате заедничките моменти. Затоа, одлично би било да се фокусирате на заеднички активности кои бараат комуникација.
И на крај, најважно е да правите работи што ве забавуваат подеднакво. Можете да патувате, да играте друштвени игри, да гледате филмови или едноставно да направите вечера за време на која ќе поставувате невообичаени прашања.
Има многу опции, а на вас е да ги изберете оние кои ве прават среќни вас и вашиот партнер/ка.
