Францускиот маникир се врати на големо, само во малку изменета верзија. За разлика од оној што го паметиме од почетокот на минатата деценија – нокти со дебела бела линија што тогаш беа синоним за посебни пригоди – новиот француски маникир е усовршен, модернизиран и целосно прилагоден на современите сензибилитети.
Денешната верзија на францускиот маникир не се придржува строго до правилата. Всушност, тие речиси и да не постојат – границите се срушени, а можностите станаа бесконечни. Врвовите на ноктите повеќе не се резервирани исклучиво за бела боја; сега ги има во секоја можна нијанса – пастелна, неонска, па дури и металик. Некои се толку дискретни што едвај ги забележуваме на прв поглед, додека други си играат со контраст, геометрија и необични форми.
View this post on Instagram
A post shared by NAILEE.PH (@nailee.ph)
Моментално најбараниот меѓу љубителите на нежен и минималистички стил е т.н. „мек француски“ – речиси невидлив премин помеѓу основата и врвот на ноктот што наликува на техниката на бејби-бумерите. Наместо јасна линија, тука врвот на ноктот нежно штрчи во природната боја на плочата, создавајќи впечаток на замаглување и ненаметливост.
Таквиот маникир зрачи со чистота, елеганција и дискретен луксуз, совршено вклопувајќи се во секој стил и во секоја животна ситуација – од канцелариски состаноци до романтични вечери. Голема предност на „мекиот француски“ маникир е тоа што одлично функционира на сите должини на ноктите.
