Се ближи крај на паузата во домашното ракометно првенство, кое претстојниов викенд ќе продолжи со првата рунда од плејоф-фазата и тоа со големото дерби помеѓу Пелистер и Вардар, кој ќе се одигра пред преполна сала во Битола.

Како што и доликува, правдата на пресметката помеѓу најголемите ривали за шампионската титула, меѓу кои секако е и тимот на Алкалоид, ќе ја делат најдобрите македонски судии во моментов – Ѓорѓи Начевски и Славе Николов.

Вардарци финалната рунда од првенството ја почнуваат со три бода, колку што имаат и „фармацевтите“ од Автокоманда, додека битолчани од првата фаза пренесоа два бода поради што едноставно немаат право на кикс во дуелот закажан за в сабота од 18 часот.