Македонскиот каратист Емил Павлов успеа да слави во финалето на силната Премиер лига во Москва, откако беше подобар со 3-1 од Ерај Самдан од Турција.
Импресивно е тоа што на патот до големиот успех македонскиот претставник успеа да запише пет победи, меѓу кои и две против двајца светски шампиони, а притоа се бореше и со скршеница на раката.
Да потсетиме, резултатите во Премиер лигата за карате се бодуваат за настапот на Летните Олимписки игри во Токио следната година.