Најсексапилниот маж на светот ги открил навиките на кои им го должи неверојатниот изглед

Актерот Идрис Елба се закити со ласкава титула на најсексапилниот маж на светот во 2018 година. Со ваквата одлука на списанието “People” се сложуваат и мажите и жените.
46-годишниот британски актер е познат по улогите во бројните ТВ серии и филмови, а имаше гласини и дека треба да стане првиот темнокож Џејмс Бонд, но тој во август ги демантираше овие наводи.
Елба посветува огромно внимание на своето здравје, а не е тајна ни дека напорно се припрема за филмските улоги. Актерот открил што јаде и како вежба, а тоа може да ви помогне и вам да бидете во форма.


Сака вежби кои не бараат дополнителна опрема
Идрис Елба без сомнеж има на располагање скапи тренери, иновативни вежби, додатоци во исхраната и многу друго. Меѓутоа, тој одлучил неговата фитнес рутина да биде многу едноставна.
“Shadow boxing”, вежбата во која го замислувате противникот, е една од најдобрите вежби која можете да ја изведувате”, изјавил актерот.
“Не ви треба никаква дополнителна опрема, а се активираат сите мускули во телото. Токму тоа го правел и Нелсон Мандела во својата затвореничка ќелија”, додал Идрис.
Кикбоксот му е огромна страст
Повеќе од една деценија, најсексапилниот маж на светот тренира кикбокс.
“Некои мажи сакаат затегнато тело или да трчаат со километри. Мојата цел е да бидам спремен за борба. Ако се борам во рингот, морам да имам сила”, изјавил тој.
Неговиот кардио тренинг е необичен
Можеби го замислувате Елба како маж кој се препотува на статичен велосипед или честопати џогира, но неговата омилена кардио вежба е нешто поинакво.
“Сакам прескокнување на јаже. Верувале или не, десет минути прескокнување на јаже е прилично напорно. Со ваквата вежба го придвижувате целото тело и брзо се препотувате”, појаснил Идрис.
Сепак, тој вежба кога има слободно време па така наутро понекогаш трча 45 минути или прави 100 склекови, а обожува и пливање.

 

View this post on Instagram

 

What’s up #NYC!! Pumped to be here at #Superdry34ST kickin off our fresh new collection #idriselbaxsuperdry!

A post shared by Idris Elba (@idriselba) on

Не се плаши од јаглехидратите и слатките
Сексапилниот актер е свесен за она што го консумира, но не се ограничува. Неговото правило е секогаш да појадува и да внесува јаглехидрати и протеини во организмот, па затоа обично избира здрави житарки и јајца.
Тој не ги смета јаглехидратите за непријатели туку за гориво кое го придвижува.
“Најдобрата работа која ја припремам е тостот. Баш сум добар во тоа, верувајте”, порачал тој. Подеднакво, тој не одбива десерт ако е расположен за тоа. Омилено чоколадо му е она со нугат и карамел.
“Сакам да јадам чоколада на полноќ. Таа е мала, но и брзо можете да се ослободите од амбалажата па никој нема да знае”, се пошегувал Елба.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.