Поранешниот претседател на Уругвај, Хозе Мухика, изјави дека не сака да прима никаква пензија на основ на својот сенаторски стаж, пренесува Би-Би-Си.
Мухика во вторникот даде оставка од сенаторското место.
Мухика го нарекуваат „најсиромашниот претседател на светот“, а беше сенатор во уругвајскиот парламент од 2015-та година кога го заврши својот петгодишен претседателски мандат.
83 годишниот Мухика е поранешен герилски водач кој повеќе години бил во затвор, во писмото најави дека се повлекува поради лични причини и објасни дека не сака да остане во Сенатот до крајот на 2020 година, затоа што е „уморен после долгото патување“.
