Во вчерашната емисија “Само вистина“ професорката Мирјана Најчевска изјави дека според неа не треба да има неказнивост, дека високите функционери треба да одговараат за секое прекршување на законите, дури и многу повеќе треба да одговараат, отколку условно кажано, обичните граѓани.
Таа додаде дека е една од оние која смета дека СЈО имаше и има одреден век на траење. Дека е тоа структура која што е направана со многу конкретна цел, со многу конкретна задача и дека треба да се предвиди завршување на таа задача, довршување на работите кои ги има започнато и постепено враќање на се она што што претставува вистински правен кредибилитет на Јавното обвинителство. Доколку се продолжи вака, според неа, со правење на паралелени структури ќе го изгубиме моментумот на вистинско градење на правната држава преку зaцврcтyвање на институциите кои што веќе ги имаме.
– Значи треба да се прочисти Јавното oбвинителcтво, дeфинитивно. Треба да се направи што е можно понезависно и треба да се направи моќнo. Значи, Јaвно oбвинитeлcтво кое што ќе може да се избори со кpиминaлот, посебно со кpиминaлот и нeкaзнивоcта на високи функционери во влaста. Значи, лично мислам дека СЈО треба да постои се до оној момент додека ги заврши започнатите случаи, дека се друго треба веќе да премине во редовна процедура, во она што го имаме како систем во Јавното обвинителство, рече Најчевска.
