Музичарот Елтон Џон отворено зборуваше за своите размислувања за смртта. 77-годишната музичка икона оваа година се соочи со неколку здравствени предизвици, вклучувајќи го и губењето на видот поради болест и борбата со тешка инфекција.Иако минатата година се повлече од турнејата по монументалната петгодишна светска турнеја Farewell Yellow Brick Road, Џон планира да продолжи да издава музика и да остане активен на други начини.Неодамна беше прогласен за икона на годината од магазинот TIME, а за време на церемонијата на доделување се осврна на татковството.И покрај тоа што продаде над 300 милиони албуми ширум светот и е познат како гласен поборник за правата на ЛГБТ и борбата против СИДА-та , Елтон Џон се надева дека ќе биде најдобро запаметен по неговиот семеен живот.Елтон и Дејвид влегоа во граѓанска заедница во 2005 година, а подоцна се венчаа кога таа стана легална во ОК, станувајќи еден од најпознатите истополови родителски парови во светот.Елтон Џон ја откри својата трогателна желба за епитаф за време на почитта на магазинот TIME. Во таа прилика тој за магазинот PEOPLE изјави:– На мојот надгробен споменик сакам само да пишува: „Тој беше одличен татко“, рече тој.Ова не е првпат легендарниот музичар да ја изразува оваа желба, која беше прикажана и во документарниот филм Елтон Џон: Никогаш не е доцна на платформата Дизни+. Во филмот, Елтон признава:– Размислуваат за мојата смрт. Тие се грижат за мојата смртност. Не толку Дејвид, туку јас… Моите синови го сакаат својот татко, па сакаат јас да останам овде засекогаш, а и јас би сакал да останам засекогаш – рекол тој.