Од УХМР информираат дека од Албанија кон нашата земја навлегува поголема нестабилна воздушна маса од која ќе има појава на пороен дожд и грмежи во подрачјето од Шар Планина, Маврово, преку Полог, па се до Скопската котлина. Нестабилност има и во Мариовско, потоа во околината на Радовиш и на Струмица, а процесите се преместуваат од запад кон исток.
И во следните денови ќе се задржи променливо и посвежо време со локални врнежи од дожд кои повремено ќе бидат проследени со грмежи.
Денес времето ќе биде претежно облачно и посвежо со повремен дожд, посебно на југозапад каде се очекуваат пообилни врнежи проследени со грмежи. Ќе дува и слаб до умерен претежно северен ветер, кој на западот краткотрајно ќе се засилува. Утринската температура ќе се движи од 9 до 19 степени, а дневната од 15 до 25 степени Целзиусови.
И во Скопје и околината се очекува претежно облачно време со повремен дожд. Утринската температура ќе достигне до 14, а дневната до 24 степени.
Пронајдете не на следниве мрежи:
