Македонски граѓанин чија етничка припадност не се открива тврдел дека не го видел знакот за дозволена брзина односно се правел ,,наудрен” кога го фатиле како вози 100 км над дозволената брзина.

Инцидентот кој се случил во вторникот во австрискиот град Нојкирхен на Вокла во областа Воклабрук.

Македонскиот граѓанин кој според австриските јазични правила се нарекува ,,северномакедонец” возел со неверојатни 128 км/ч во зона каде е дозволено само 30 км/ч.

На возачот кој има 28 години веднаш му било запленето возилото од марката Мерцедес АМГ.

Ново вакво возило, во зависност од моделот и опремата, може да вреди над 200 илјади евра.

Со одлука на судот може да му биде целосно одземено затоа што се работи за тешко прекршување на законот.

Полицајците веднаш го извлекле возачот на автомобилот од сообраќај и уапсениот го донеле во полиција каде изјавил дека го превидел ограничувањето на брзината односно дека не го видел сообраќајниот знак.

За загрозување на безбедноста македонскиот граѓанин може да добие и затворска казна.