Најголемиот европски депозитар за хартии од вредност, „Еуроклеар“, ја предупреди Европската Унија дека планот за користење на замрзнатите руски државни средства како колатерал за голем заем за Украина би можел да има долгорочни последици за финансиската стабилност на Унијата. Во доверливо писмо испратено до претседателката на Европската комисија , Урсула фон дер Лајен , и до претседателот на Европскиот совет, Антонио Коста, кое го виде „Фајненшл тајмс“ , извршната директорка на „Еуроклеар“ , Валери Урбен, наведува дека инвеститорите би го протолкувале таквиот потег како тајна заплена на средствата на руската централна банка.
Најголемиот европски депозитар за хартии од вредност, „Еуроклеар“, ја предупреди Европската Унија дека планот за користење на замрзнатите руски државни средства како колатерал за голем заем за Украина би можел да има долгорочни последици за финансиската стабилност на Унијата. Во доверливо писмо испратено до претседателката на Европската комисија , Урсула фон дер Лајен , и до претседателот на Европскиот совет, Антонио Коста, кое го виде „Фајненшл тајмс“ , извршната директорка на „Еуроклеар“ , Валери Урбен, наведува дека инвеститорите би го протолкувале таквиот потег како тајна заплена на средствата на руската централна банка.
Урбен предупредува дека ова би ја поткопало довербата на големите институционални инвеститори, особено на суверените фондови за богатство и централните банки, што би довело до трајно зголемување на премијата за ризик на обврзниците на земјите-членки. Во писмото се истакнува дека последицата би била значително поскапо задолжување за сите европски влади.
„Евроклир“ во Брисел држи околу 185 милијарди евра руски државни средства од приближно 210 милијарди што ги замрзнаа членките на Европската унија по почетокот на војната во Украина во 2022 година. Досега е искористена само профитот што овие фондови го остваруваат годишно, од три до пет милијарди евра. Новиот план предвидува дека главниот износ на самиот руски имот ќе се користи како залог за украински заем вреден околу 140 милијарди евра.
Според „Еуроклеар“, таков потег Москва би го доживеала како директно запленување на државен имот. Особено ако депозитарот би бил обврзан да купува специјални должнички инструменти без камата, што би отворило можност за судски постапки, контрамерки и сериозни финансиски нарушувања. Затоа „Еуроклеар“ бара сите членки на Унијата да обезбедат државни гаранции што би ги покриле евентуалните загуби, трошоците за судските постапки и ризиците од ликвидност.
Белгија, на чија територија се наоѓа најголемиот дел од замрзнатите руски средства, долго време инсистира дека товарот на таков план мора да се сподели . Урсула фон дер Лајен изјави дека Европската комисија е подготвена да ја презентира правната рамка за заемот, но бројни технички прашања сè уште не се решени. Европските лидери не постигнаа договор дури ни на самитот одржан во октомври. Нова рунда преговори е закажана за 18 декември во Брисел.
Дополнителен притисок доаѓа од Вашингтон. Американскиот претседател Доналд Трамп смета дека замрзнатите руски средства треба да се користат за американски проекти во Украина, што дополнително ги затегнува односите меѓу Европската Унија и Соединетите Американски Држави. „Евроклеар“ одби да коментира за содржината на доверливиот документ.
Москва подготвува одговор.
Рускиот претседател Владимир Путин вели дека Москва подготвува одговор на планот на Европската Унија за финансирање на кредити за Украина со пари од „Евроклер“. Путин во Бишкек изјави дека Владата на Русија го финализира пакетот одмазднички мерки во случај Европската Унија да активира план за користење на монетарната вредност на замрзнатите руски средства за кредит за Украина во износ од 140 милијарди евра.
The post „Не ги допирајте руските средства“: Тајно писмо открива длабоки ризици за финансиите на ЕУ appeared first on Во Центар.
